ŞERH EDERKEN YİNE

                                   Sabri

Şerh ederken yine tahrir-i derûn-ı sitemim

Yakdı evrak-ı dil-i sûzu zebân-ı kalemin

Bunca yıllar bu gam ü mihnet ile zâr olurum

Kimse bilmez ki nedir bâis-i derd ü elemim

Bister-i gamde yatıp âşık ü bîmâr dilim

Çâresiz kaldım a şâhım acaba yok mu emim

Egri sözler iki kat etti belim doğrulamam

Ah kim büktü elif kaddimi ebrû-yı hamim

Çekilir mi mihen-i ta’n-ı ağyâr hele

Fil çekmez nice âdem çeke bu bâr-ı gamım

Sabriyâ arz edelim hâl-ı perîşânımızı

Görüp insâfa gele bari veliyy-i ni’âmım